A janë shqiptarët punëtorë? Kush përton vdes urie thotë populli!

fjale te urta shqiptari puna
Foto ilustrim

“Burrat nën hije/lozin kuvendojnë/ pika që su bie se nga gratë rrojnë”, thoshte Çajupi. Por si mendoni, a janë shqiptarët popull punëtor a jo?

Urtia popullore i ka kushtuar rëndësi të veçantë punës. Ka qindra fjalë të urta që flasin për punën, punëtorët, të mirat që sjell puna, dëmi që pësojnë dembelët.

Kemi zgjedhur disa prej tyre. Ju ftojmë t’i lexoni!

Ai që përton sot, pendohet mot. VLORË

Bujku i mirë, ia merr me zorr bukën tokës. TROPOJË

Dembeli është nëna e të gjithë veseve. VERI

Dera e përtimit, caku i mjerimit. LIBRAZHD

Dita pa punë, nata pa gjumë. JUG

Dora me baltë, buka me mjaltë. KOSOVË

Gjykon puna, s’gjykon guna. LIBRAZHD

Lima dalëngadalë bëri tranë gjilpërë. JUG

Kur s’ke punë luaj derën. PËRMET

Kush nuk di ç’është lodhja, ai nuk di ç’është çlodhja. BERAT

Kush përton vdes urije. BERAT

Kush s’punon, dheut i rëndon. JUG

Kush zë brumë do të gatuajë. JUG

Me mirë “punë e mbarë”, se “mirë se të gjej”. SHKODËR

Mbill me një dorë, korr me të dyja. JUG

Puna e rinisë, jorgan i pleqërisë. TIRANË

S’bëhet vreshti me urata, po me shata e lopata. JUG

Trupi shëndoshet me të punuar, mendja ndërtohet me të mësuar. JUG

Përgatiti: ObserverKult

Kliko edhe:


FJALË TË URTA SHQIPTARE: “ZOTI NA KA DHANË DY VESHË E NJË GOJË, ME NDIGJUE MA SHUMË SE ME FOLË”