Hajne: Përsëri të njëjtit sy që dikur shpirtin ma ndiznin

Nga: Hajnrih Hajne

Përsëri të njëjtit sy
Që dikur shpirtin ma ndiznin,
Përsëri të njëjtat buzë
Që të tërin më dalldisnin.

Oh dhe zëri që dikur
Zemra donte të dëgjonte
Vetëm unë nuk jam më unë
Tjetërsuar kthehem sonte.

Krahët e saj, të bardhë, të ngrohtë
Dikur më pushtonin plot gaz
Tash i rri unë kot në zemër
Porsi zogu në kafaz.

Titulli i origjinalit: Sytë

Përktheu: Juliana Vogli

LEXO EDHE: Hajnrih Hajne: Dashuria nuk zbehet, ajo ngelet në zemër e re